Александар Македонски воскресна во малата ќелија на судот за воени злосторства во Хаг. Ужаснат од фактот што неговата Македонија клечи пред Европскиот сојуз во кој е и Грција (наместо обратно, тие да клечат пред Македонија), почна да се присетува на лекциите по логика што Аристотел некогаш му ги предавал. Потсетувањето беше болно бидејќи не можеше да сфати како е можно на Македонците да им го оставиш во владение целиот свет, а тие да го раскрчмат пошто – зашто. Не само светот, туку и Македонија. Да ја сведат државата на Војсководецот на нешто што во Хаг го викаа FYROM.

Continue Reading

Интересна, но не и неочекувана (не)реакција на нашите економски стручњаци: македонскиот Буџет за 2008-ма година е проектиран на рекордна сума досега. И толку. Ниту збор за, на пример, колку тој ќе им биде „тежок“ на оние што ќе треба да го „наполнат“, во која мера е развоен, односно дали се доволно оправдани конкретните расходни ставки во него; воопшто, дали толку големата сума ќе значи поткрепа на предвидениот економски раст, колку тој ќе придонесе за сеопштиот општествено- економски раст на Македонија, а особено на стандардот и квалитетот на животот.

Continue Reading

Сосема очекувано, без никакво изненадување: мојата новинарска дребност не може да се мери со значењето, а особено моќта на македонско- бугарскиот државјанин и пратеник во македонскиот Парламент, Љубчо Георгиевски. Неговиот предлог за промена на „уставното име“ на Македонија (во Северна Македонија) има „соодветна тежина“ и на него се реагира како „опасен“ (без оглед што е во најмала рака неиздржан, а за многумина и несериозен), а мојот предлог за промена на името (не уставното име) како воопшто да не е прочитан, иако од поодамна стои на овој сајт. Нема никакво реагирање, макар како единствен и дилетантски.

Continue Reading

Турскиот премиер Реџеп Таип Ердоган во Анкара на заедничка прес-конференција со својот гостин, македонскиот премиер Никола Груевски, истакна дека е лош и погрешен ставот на Грција да го условува приемот на Македонија во НАТО со промена на името. Секоја држава треба да ги почитува независноста, името и суверенитетот на Република Македонија. Ердоган соопшти дека им дал налог на претставниците на Турција во сите структури на НАТО да работат на приемот на Македонија во алијансата.

Continue Reading

Не треба ниту да се одбележува, а камо ли уште да се „празнува“. Добивањето на статус кандидат за членство во Европската унија пред точно две години за граѓаните на Република Македонија, за нивната држава, не значи апсолутно ништо. (Турција го има речиси две децении). Напротив,  би било подобро да се „премолчи“ („горе-долу“ така и се (на)прави). Судејќи според она што требаше мораше, а не се направи, на тоа се обврзани подеднакво и позицијата и опозицијата.

Continue Reading

Изборот на нов претседател на највисоката научна институција во земјава- Македонската академија на науките и уметностите (МАНУ), беше повеќе од трагикомичен, се разбира не по вина на самите академици. Имено, како таков беше следен, пренесен, и беше презентиран на јавноста од страна на медиумите, особено електронските (телевизиите).

Continue Reading

Република Словенија покажува особен интерес за продлабочување на соработката на економски план, а пред се за нови инвестиции. Како трет најголем инвеститор во Македонија, таа од осамостојувањето на Македонија до денес инвестирала повеќе од 150 милиони евра, главно во енергетскиот, информатичкиот и осигурителниот сектор.

Continue Reading

Гувернерот на НБРМ Петар Гошев покажа „цврсти“ раце при затворањето на „Македонска банка“, но аферата, која мора да има брза разрешница, може да ги „докаже“ и како мошне „валкани“. Последиците односно реакциите на „граѓанството“ се молскавични: преку ноќ ја губат довербата во македонските банки, што (може да) претставува тежок удар за македонската економија воопшто. Continue Reading

Кон прашањево, за кое засега нема одговор, туку „дециден“, „цврст“ став, во врска со решавањето на „разликите“ околу името со Грција (од каде, пак, сега „разлики“, што се почесто се користи од наша страна, како замена за „спор“?) го потенцирам стравувањето на македонскиот државен врв дека „по секоја цена“ треба да се зачува идентитетот на македонската нација.

Continue Reading