И тоа што почесто, секој ден, во неограничени количества.
Кромидот го јакне срцето, го регулира високиот крвен притисок, ги отстранува несоницата и нервозата, го олеснува искашлувањето, го регулира шеќерот во крвта, дејствува како диуретик и лаксативно средство, помага кај несвестицата, го регулира варењето, лечи воспаление на крајници и засипнатост, болести на градите и бронхиите, водената болест, ја ублажува болката, лечи рани и отоци, висока температура, спречува згрутчување на крвта, помага кај затнувањето на коронарната артерија, го спречува опаѓањето на косата.
Што се однесува на хранливоста, кромидот има најмногу јаглени хидрати и занемарливо малку белковини и масти. Осушените зрели главици се значително повредни во калорична смисла. Меѓутоа, основната биолошка вредност на кромидот ја прават секако минералите и витамините.
Освен значителното присуство на минерални соли, особено калиум и сулфур, како и разни олигоелементи, кромидот е богат со витамините Б1, Б2, Ц, Е, Х, П, а има и каротин (провитамин А), гликозид, етерични масла, растителни хормони слични на инсулин, бактеростатици и бактерицидни фитонциди и др.
Ви нудиме неколку рецепти со користење на кромидот:
-против убод на пчела, оса и стршен кромидот е мошне ефикасно средство за ублажување на болката и намалување на отокот од убодот на овие инсекти. Едноставно, со него неколку пати трреба да се истрие болното место;
-против воспаление на црниот дроб: да се испасираат 200 грама кромид и да се затворат во шише со 7 децилитри бело вино, 100 грама мед и 2 супени лажици пелинов лист. Шишето се држи најмалку 20 дена на топло место и се матка неколку пати во текот на денот. Потоа се пие една шолјичка 3 пати дневно пред јадење;
-против крвавење од нос: за да престане крвавењето, потребно е на слепооочниците да се стават кругчиња кромид, а наедно да се вдишува мирисот на неговиот сок;
-лековит сируп од кромид: половина килограм кромид се изрендува и се вари со половина килограм шеќер (или мед) во еден литар вода, лесно 3 часа. Се става во темни стакленки и како лек се користи по една лажица неколку пати дневно, со млака вода или млеко. Ова е добар лек и за градни болести и за болести на органите за варење.
